أعلنات شركة “Bamotors Maroc”، التابعة لمجموعة “GBH” والمستورد الحصري لعلامة “كيا” (Kia) بالمغرب، على المشاركة ديالها فالدورة 18 ديال الملتقى الدولي للفلاحة (SIAM) بمدينة مكناس، ما بين 20 و28 أبريل 2026. هاد المشاركة كتأكد الارتباط القوي ديال العلامة بالمنظومة الفلاحية والصناعية فالمملكة، من خلال رواق ضخم كيفوت 500 متر مربع كيعرض 11 موديل مختلف.
“كيا المغرب” غادي تقدم باقة متنوعة كتلبي كاع الاحتياجات، من الطوموبيلات الصغير حتى للشاحنات والبيك-آب، مع تنوع فالتكنولوجيا بين “الديزل”، “الهجين” والكهرباء 100%. الزوار غادي يكتشفوا موديلات بحال ” Tasman” المخصص للأراضي الصعبة، و”K2500″، بالإضافة للسيارات الكهربائية “EV3″ و”EV6” والسيارات النفعية “PV5”.
وبهاد المناسبة، صرح “سيدريك فو”، المدير العام لـ “Bamotors Maroc”، أن معرض (SIAM) هو فرصة استراتيجية للقرب من المهنيين وفهم متطلباتهم الميدانية. الشركة، اللي كتشغل كثر من 400 واحد وعندها 33 نقطة بيع فالمغرب، غادي توفر عروض استثنائية طيلة أيام المعرض للمهنيين والعموم، باش تعزز مكانتها كمرجع أساسي فسوق السيارات الوطني.