من بعد الإعلان على وقف إطلاق النار بين لبنان وإسرائيل، أعلنات إيران نهار الجمعة على إعادة فتح مضيق هرمز الاستراتيجي قدام الملاحة التجارية. هاد القرار جا بتنسيق بين طهران وواشنطن، وغادي يسمح بمرور السفن بحرية كاملة حتى لّي يساليو المدة ديال الهدنة.
ماشي غير ناقلات البترول اللي استافدات من هاد الخطوة، بل حتى السفن السياحية بدات كتحرك؛ بحيث كشف نظام “مارين ترافيك” باللي السفينة “Celestyal Discovery” اللي هازة علم مالطا، غادرت ميناء دبي فتيجاه عمان من بعد ما بقات محبوسة تما 47 يوم. وخا هاد السفينة بدات كتحرك، راه غادة خاوية بلا مسافرين، حيت الشركة المكلفة لغات كاع الرحلات ديال شهر أبريل بسبب ظروف الحرب اللي كانت نايضة فالمتطقة. هاد الانفراجة فمضيق هرمز كتعطي أمل باش ترجع الحركة التجارية والاقتصادية لسابق عهدها فواحد من أهم الممرات المائية فالعالم.