يسعى نادي باريس سان جيرمان بجدية لتعزيز صفوفه بظهير أيمن جديد يكون بديلا استراتيجيا للدولي المغربي أشرف حكيمي. وكتطمح إدارة النادي الباريسي لتفادي السيناريوهات الكارثية اللي عاشها الفريق فاش تغيب حكيمي بسبب الإصابة، خاصة فالمواعيد الكبرى بحال مباراتهم ضد بايرن ميونخ فدوري الأبطال.
وحسب تقارير الصحفي “إكريم كونور”، حط حكماء النادي عينهم على الموهبة البلجيكية الصاعدة كيرياني ساب، لاعب كلوب بروج المزداد سنة 2005. ساب قدم مستويات مبهرة هاد الموسم، حيت سجل 3 دالأهداف وصنع 4 فـ38 مقابلة، الشيء اللي خلاه يكون محط أنظار أندية كبيرة بحال ريال مدريد، إنتر ميلان، ونيوكاسل.
كيرياني ساب، اللي كتقدر القيمة السوقية ديالو بـ8 مليون يورو وعقد كيمتد لـ2028، كيتعتبر الخيار المثالي للمدير الرياضي لويس كامبوس. كيتيمز بقدرتو على اللعب فكلا الرواقين (الأيمن والأيسر)، وهو بروفايل شاب واقتصادي، قادر ينسجم مع منظومة لويس إنريكي بلا ما يزعزع التوازن المالي أو التقني دالفريق، ويضمن استمرارية النجاعة الدفاعية فغياب حكيمي.