تمكنات السلطات المختصة فإمارة أبوظبي من السيطرة على تلاتة د لغافيات شعلات فمصنع “بروج” للبتروكيماويات، هاد الصباح د الحد، بسباب سقوط شظايا مورا ما تصدات الدفاعات الجوية الإماراتية لهجومات معادية بنجاح.
مكتب أبوظبي الإعلامي أكد فالبيان ديالو بلي فرق الطوارئ دخلات بسرعة كبيرة وقدرات تسيطر على الوضع، موضحا بلي هاد الحادث مأداش لشي خسائر بشرية، فلوقت اللي كيتدار فيه تقييم للأضرار المادية اللي لحقات بالموقع. السلطات طلبات من المواطنين ضرورة التأكد من الأخبار واعتماد المصادر الرسمية وتجنب الشائعات.
هاد التطورات جات فسياق هجومات إيرانية بالمسيرات والصواريخ استهدفت منشآت حيوية فبزاف د الدول العربية، تزامنا مع التوتر العسكري بين إيران ومحور أمريكا وإسرائيل. هادشي فأوان اللي أعلن فيه الحرس الثوري الإيراني مسؤوليتو على استهداف مصانع بتروكيماوية فالإمارات، الكويت والبحرين، مهددا بتصعيد الهجومات ضد المصالح الاقتصادية الأمريكية فالمنطقة.