فهاد الظرفية لي كتعيش فيها المنطقة سيمانتها السادسة ديال الحرب، علن الرئيس دونالد ترامب بلي لميريكان نجحات فاستعادة الطيار الثاني ديالها لي طاحت طيارتو من نوع F-15E فإيران نهار الجمعة. ترامب وصف هاد العملية العسكرية بالوحدة من أجرأ عمليات الإنقاذ فالتاريخ، حيت تدارت فقلب “أرض معادية” وبمشاركة عشرات الطائرات باش تخرّج عقيد كيحظى باحترام كبير.
بالمقابل، الرواية الإيرانية كانت مغايرة؛ حيت علنات القوات المسلحة ومقر “خاتم الأنبياء” بلي طيّحو تلاتة ديال الطيارات ميريكانية (جوج مروحيات بلاك هوك وطيارة نقل C-130) كانت مشاركة فالمهمة جنوب أصفهان. وكالة “تسنيم” بثت صور لحطام مشتعل فالصحرا و كدت بلي العملية تسببات فمقتل خمسة دالناس فجنوب غرب البلاد.
هاد التصعيد كيبين حجم التوتر، خصوصا وأنها المرة اللولة لي كيتنفذو فيها جوج عمليات إنقاذ منفصلة لطايرين ميريكان فإيران. ورغم هاد المواجهات، واشنطن كتقول بلي ما تسجل عندها حتى قتيل أو أسير داخل إيران من نهار بدات الحرب فـ 28 فبراير، فوقت لي إيران كتأكد فشل التدخل الميريكاني وخسارته الميدانية.