“يلا ما فهمتوش هادشي، ما كاتفهمو والو” : لويس إنريكي كايوضح أسباب التدوير فماتش باريس وسان جيرمان ضد ليون.

من بعد الهزيمة ديال باريس سان جيرمان قدام ليون (1-2) فالبورك دي برانس، خرج المدرب لويس إنريكي بتصريحات قوية كيدافع فيها على القرارات التقنية ديالو. المدرب الإسباني اختار يدير تدوير كبير فالتشكيلة (turn-over)، وحط ركائز الفريق بحال ديمبيلي، كفاراتسخيليا، وماركينيوس في احتياط، الشي اللي خلى بزاف ديال التساؤلات تطرح.

إنريكي جاوب الصحافة بنبرة فيها شوية ديال السخرية والصرامة، موضحاً بلي ضغط الماتشات كيفرض عليه يسير المجهود البدني ديال اللعابة، خصوصاً مع اقتراب نصف نهائي دوري أبطال أوروبا ضد بايرن ميونخ. وقال بلي من السهل انتقاد الاختيارات من بعد الخسارة، ولكن “لي ميفهمش هاد التوجه، ميفهم والو فكرة القدم”.

ورغم المنافسة الشديدة مع لانس في الدوري الفرنسي “ليغ 1″، أكد إنريكي بلي الأولوية هي الرباح فڭاع المسابقات المتبقية. وشدد على أن الصراع على اللقب غادي يبقى مشتعل حتى لآخر دورة، مشيراً بلي كيقدر قيمة المنافسة اللي كتعطي نكهة خاصة للبطولة، فانتظار الماتشات الحاسمة اللي باقية للفريق الباريسي.