تزيار فالسوق د البترول: ميريكان وإيران كيشعلو العافية فمضيق هرمز
عرفات أسعار النفط واحد القفزة قوية نهار الاثنين، وصلات لفوق 7%، وهادشي من بعد ما كانت هبطات كتر من 9% نهار الجمعة. هاد التحول المفاجئ جا بسباب الروينة اللي نايضة فمضيق هرمز، اللي تسد عاوتاني من بعد اتهامات متبادلة بين ميريكان وإيران بلي خرقو اتفاق وقف إطلاق النار وهجمو على سفن تجارية.
العقود الآجلة ديال خام “برنت” زادت بـ 6.56 دولار باش توصل لـ 96.94 دولار للبرميل، ونفس الشي بالنسبة للخام الأمريكي “تكساس” اللي طلع لـ 89.92 دولار. هاد التخبط فالثمن كيعكس حالة عدم الاستقرار اللي عايشها العالم؛ إيران كانت قالت نهار الجمعة بلي غتفتح المضيق، وهادشي طمأن السوق وهبّط الأثمنة، ولكن نهار السبت كلشي تقلب فاش أكد الرئيس دونالد ترامب بلي الحصار البحري على الموانئ الإيرانية باقي مستمر. هاد الصراع السياسي والخناق على أهم ممر مائي فالعالم خلى المستثمرين فالحيرة، وزاد شعل العافية فأسعار الطاقة العالمية.