أعلن ياميل بوكيلي، رئيس الاتحاد السلفادوري لكرة القدم، عبر منصة “X”، على تنظيم ماتش ودي تاريخي غادي يجمع بين منتخب السلفادور والمنتخب المغربي نهار 3 يونيو 2026، فنيوزويست ستاديوم بولاية ماريلاند الأمريكية. هاد اللقاء كيتعتبر الأول من نوعه فالتاريخ بين الفريقين، وهدفو الأساسي هو تحضير “أسود الأطلس” لنهائيات كأس العالم 2026.
المنتخب المغربي غادي يدشن المسار ديالو فالمونديال بمواجهة قوية ضد البرازيل نهار 13 يونيو، قبل ما يواجه اسكتلندا وهايتي فالمجموعة “C”. وخا الجامعة الملكية المغربية لكرة القدم مازال ما كداتش الماتش ديال السلفادور بصفة رسمية، إلا أنها علنات ديجا على ودية ثانية ضد النرويجي نهار 7 يونيو فنيوجيرسي.
اختيار الولايات المتحدة لهاد المعسكر التدريبي كيعكس رغبة الناخب الوطني فالتأقلم مع الأجواء الأمريكية قبل الانطلاق الرسمي للبطولة. من جيهة أخرى، منتخب السلفادور، اللي كيدربو الكولومبي هيرنان داريو غوميز واللي كيحتل الرتبة 99 عالمياً، كيشوف فهاد المواجـهة فرصة “عالية المستوى” للاحتكاك بمنتخب عالمي بحال المغرب، وخا هما ما متأهلينش للمونديال الجاي.