توفى عسكري فرنسي وجرحوا تلاتة آخرين فـ “كمين” غدار استهدف قوات “اليونيفيل” (FINUL) فجنوب لبنان نهار السبت. الرئيس الفرنسي إيمانويل ماكرون أكد الخبر ووجه أصابع الاتهام لـ “حزب الله” بأنه هو اللي واقف ورا هاد الهجمة، وطالب السلطات اللبنانية باش توقف الجناة فوراً وتتحمل مسؤوليتها فهاد الخرق الخطير.
الضحية هو السيرجون-شاف “فلوريان مونطوريو”، اللي تقتل بقرطاسة مباشرة فاش كان فمهمة لفتح طريق لوحدة معزولة بسبب القتال. وزيرة الجيوش الفرنسية أكدات بلي الجندي تقتل بـ “تير ديريكت” من مسافة قريبة بزاف فوسط اشتباك مسلح.
من جهتها، الحكومة اللبنانية أدانت هاد الاعتداء بقوة، وأمر رئيس الوزراء “نواف سلام” بفتح تحقيق عاجل باش يشدوا المسؤولين ويقدموهم للعدالة. هاد الحادث كايجي فظرفية صعيبة، من بعد شهر تقريباً على مقتل عسكري فرنسي آخر فالعراق بهجمة “درون”، الشيء اللي كايزيد من حدة التوتر فالمطقة وكايطرح تساؤلات على سلامة القوات الدولية المكلفة بحفظ السلام.