دخلات الهدنة اللي علن عليها الرئيس الميريكاني دونالد ترامب حيز التنفيذ ليلة الجمعة 17 أبريل، بحيث عرفات الضاحية الجنوبية لبيروت طلقات نارية كثيفة احتفالاً ببدء وقف إطلاق النار اللي مديور لعشر أيام كخطوة أولية.
مصادر إعلامية وشهود عيان أكدوا سماع دوي أسلحة أوتوماتيكية وقذائف “آر بي جي” فالسما مباشرة بعد منتصف الليل، تزامناً مع عودة بزاف ديال النازحين لبيوتهم فالمناطق اللي تضررات بزاف من القصف الإسرائيلي. وبانت طوابير ديال الطوموبيلات فجنوب لبنان وهي راجعة، فالوقت اللي رفعوا فيه شي مواطنين أعلام وصور كترمز للحزب.
هاد الاتفاق جا من بعد معاناة كبيرة، حيت كتقدر السلطات اللبنانية بلي كتر من مليون واحد تهجروا بسباب الحرب. ومن نهار بدات الهدنة، ما تسجلات حتى غارة جوية إسرائيلية، الشيء اللي كيعطي أمل بلي يقدر ليدو يهدأ من بعد أسابيع ديال الدمار والمواجهات العنيفة.