بَصم فريق ستراسبورغ الفرنسي على إنجاز تاريخي من بعد ما دمن التأهل لنصف نهائي دوري المؤتمر الأوروبي، مورا فوز كبير على فريق ماينتس الألماني برباعية نظيفة فـ “لامينو”. مارك كيلر، رئيس النادي، عبّر فـ تصريح لبرنامج “After Foot” على RMC على الفخر ديالو بهاد النتيجة، معتبراً أن الفريق “ستحق هاد الرباح” بفضل المجهودات ديال اللاعبين والطاقم التقني.
كيلر ركز على روح الشباب اللي كتميز الفريق، مشيراً بالخصوص للاعب بن تشيلويل كعنصر خبرة وسط مجموعة طموحة. وأكد بلي هاد المسيرة الأوروبية هي أول خطوة فـ مشروع تكبير النادي، اللي عانى فالسابق فـ أقسام الهواة قبل ما يرجع للقمة.
هاد التأهل كياكد الطفرة اللي كيعيشها ستراسبورغ تحت ملكية مجموعة “BlueCo”، وهي مرحلة انتقالية كيهدف من خلالها الفريق للمنافسة على الألقاب، خصوصاً وأنه مقبل على مواجهة رايو فايكانو فالنصف، وعينو حتى على نصف نهائي كأس فرنسا ضد نيس. موسم كيتوصف بـ “الاستثنائي” فـ مسار تطور النادي وتعزيز مكانتو فالساحة الكروية.