صندوق النقد الدولي علن فـ “اجتماعات الربيع” بواشنطن على تراجع توقعات النمو العالمي لعام 2026 لـ 3.1%، والسبب الرئيسي هو الصراع بين ميريكان وإيران اللي ريْب الحسابات. هاد التوتر الجيوسياسي ضرب البنية التحتية ديال الطاقة وخنق “مضيق هرمز”، الشي اللي خلى منطقة الشرق الأوسط وشمال إفريقيا (MENA) هي المتضرر الأكبر، بحيث هبط نموها لـ 1.1% فقط.
التقرير كشف بلي دول بحال قطر، العراق، وإيران غيواجهو انكماش حاد، بينما السعودية قاومات شوية بفضل موانئ البحر الأحمر. الصندوق حذر من “عدوى مالية” غتضرب الأسواق الناشئة بسبب غلاء الطاقة وارتفاع المديونية، وأكد بلي هاد الوضع كيهدد باستقرار النظام المالي العالمي.
المؤسسة الدولية نبهات من سيناريوهات كحلة؛ يلا استمر الصراع، النمو العالمي يقدر يهبط لـ 2% والتضخم يفوت 6%. ورغم الهدنة اللي بدات فـ أبريل، كيبقى التعافي فـ 2027 رهين برجوع إنتاج الطاقة لطبيعتو. فـ الأخير، الصندوق دعا المسؤولين لتدخل حازم، مراقبة التضخم، وضبط الميزانيات باش يتفاداو انهيارات اقتصادية كبر، خاصة فـ ضل تقلبات أسواق السندات والأسهم.