وصفت كاچا كلاس، الممثلة السامية للاتحاد الأوروبي، الشراكة بين المغرب والاتحاد بصفتها “غنية، متعددة الأبعاد وامتيازية”، مؤكدة باللي هاد العلاقة تبنات على مدى كتر من نصف قرن من التعاون الوثيق والثقة المتبادلة.
وفبلاغ مشترك صدر من بعد لقاءها فإرباط مع وزير الخارجية ناصر بوريطة، أشادت المسؤولة الأوروبية بالعمق الاستراتيجي والدينامية اللي كاتميز هاد المشركات، معبرة على الرغبة المشتركة فتعزيز هاد “العلاقة الاستراتيجية بين أنداد”. الحوار ركز كذلك على أفق المستقبل، فين اتفق الطرفين على وضع “شراكة استراتيجية وشاملة” غادي ترفع العلاقات لمستوى أعلى، مع تكثيف الاجتماعات المؤسساتية باش يضمنو الاستمرارية.
المحادثات شملات حتى القضايا الدولية الراهنة بحال الحرب فكرانيا، والوضع فغزة والضفة الغربية، ومنطقة الساحل، مع التأكيد على الالتزام بنظام دولي مبني على القواعد. هاد الزيارة الأولى من نوعها لكلاس كتاكد التقدير الكبير اللي كيكنو الاتحاد الأوروبي للدور الريادي للمغرب تحت قيادة صاحب الجلالة الملك محمد السادس، والحرص على بناء مستقبل مشترك كيخدم مصلحة المواطنين فكلا الجانبين.