كولشي كيشير باللي رحلة دافيد ألابا مع ريال مدريد وصلات للنهاية ديالها. الدولي النمساوي، اللي عندو 33 عام، كيعيش كابوس حقيقي مع الإصابات من دجنبر 2023، الشيء اللي خلاه يغيب على الملاعب مدة طويلة ويشارك فمباريات معدودة برسم موسم 2023-2024.
تقارير إعلامية دولية من قيمة “بيلد” و”إي إس بي إن” ككدات بلي كاين “اتفاق شفهي” باش ينتقل ألابا للدوري السعودي فالصيف الجاي. أندية النصر والهلال هي اللي داخلة بقوة فهاد الصفقة، بمبلغ انتقال كيوصل لـ 25 مليون يورو، وخلصة سنوية كترواح ما بين 15 و20 مليون يورو.
من جهتها، إدارة ريال مدريد ما معارضاش هاد الرحيل، بالعكس، كتعتبرو فرصة باش تخفف من عبء كتلة الأجور، خصوصاً وأن ألابا كيتخلص 22.5 مليون يورو فالعام، وهو من أعلى الأجور فالفريق. ومع تألق روديجر وميليتاو، مبقاش غياب النمساوي كيشكل عائق فني.
رغم أن ألابا كان كيفضل يبقى فالمستوى العالي، إلا أن العروض الأوروبية قليلة بسبب حالتو البدنية، وهادشي اللي كيجعل السعودية هي الوجهة الأكثر واقعية باش يختم مسيرته الكروية بامتيازات مالية وضمانات مريحة.