خرج الناخب الوطني ديال البرازيل، الإيطالي كارلو أنشيلوتي، بتصريحات قوية كشف فيها بلي حسم بشكل نهائي فالتشكيلة اللي غادي تخوض غمار كأس العالم 2026. أنشيلوتي أكد بلي الفرقة الأساسية واجدة تماما للمواجهة الافتتاحية ضد المنتخب المغربي.
فندوة صحافية قبل الماتش الودي ضد كرواتيا، وضح المدرب بلي اللقاءات الأخيرة كانت محطة أساسية لتقييم العناصر الجديدة وتجريب بزاف ديال السيناريوهات التقنية قبل ما يثبت على النواة الصلبة لمنتخب “السامبا”. وشدد على أن الهدف من هاد الوديات ماشي هو النتيجة فقط، وإنما ضبط الخطط وتجهيز البدائل، خصوصا مع لعنة الإصابات اللي ضربات بعض الركائز.
أنشيلوتي أشار بلي المنتخب البرازيلي غادي فالطريق الصحيح وغادي يوصل للمونديال وهو فقمة الجاهزية، معتبرا بلي الماتش الأول فالبطولة هو الساروت ديال النجاح. ومن المنتظر باش يواجهو “أسود الأطلس” يوم 13 يونيو الجاي فماتش كيحبس النفاس وكيتسناو العالم كامل بشغف كبير.