وصفت كوريا الشمالية الأوضاع اللي كايعيشها الشرق الأوسط بـ”المجزرة” والفظائع اللي كاترتكب في حق الإنسانية، معتبرة أن العمليات العسكرية اللي كاتشنها إسرائيل والولايات المتحدة على إيران، واستمرار الحرب على قطاع غزة، هي خرق سافر للقوانين الدولية.
وأكدات وزارة الخارجية الكورية، في بيان نقلاتو وكالة الأنباء الرسمية نهار الخميس، أن هاد الجرائم كاتشبه في الفظاعة ديالها داكشي اللي وقع في الحرب العالمية الثانية. هاد التصريحات جات على لسان متحدث باسم الوزارة، اللي استغل الفرصة باش يندد بقرار مجلس حقوق الإنسان التابع للأمم المتحدة الصادر في مارس 2026 بخصوص وضعية حقوق الإنسان في بيونغ يانغ، معتبراً أن هاد القوى الدولية كاتستعمل معايير مزدوجة وكاتغمد عينيها على الإبادة اللي كاتوقع في المنطقة، في الوقت اللي كتحاول تضغط فيه على كوريا الشمالية.