كشف تقرير حديث للمكتب الدولي “ديلويت” (Deloitte) بلي الرياضة النسوية دخلات لواحد الحقبة ذهبية جديدة، حيث من المتوقع توصل المداخيل العالمية ديالها لـ 3.04 مليار دولار فـ 2026، بزيادة كتقدر بـ 25% مقارنة مع 2025. هاد الطفرة التاريخية جاية بالأساس من عقود الإشهار (45%)، بيع حقوق البث التلفزي، ومداخيل التذاكر.
كرة القدم وكرة السلة هما اللي مسيطرين على المشهد بحصة 35% لكل وحدة فيهم، مع تطور ملحوظ فرياضات أخرى بحال الريكبي والكريكيت. وعلى المستوى الجغرافي، أمريكا الشمالية باقة هي الرائدة بـ 53% من المداخيل، متبوعة بأوروبا بـ 16%.
وبالنسبة للقارة الإفريقية، وخا النمو غادي بوتيرة قل، كاين تفاؤل كبير بلي تظاهرات بحال الألعاب الأولمبية للشباب “داكار 2026” غتكون دافع قوي لتعزيز الاستثمار فهاد المجال وتطوير المنظومة الرياضية النسوية قارياً، باش تواكب هاد التحول الاقتصادي العالمي اللي خلا الرياضة النسوية تولي “ماركة” مربحة بامتياز.