أعلنات وزارة الخزينة الأمريكية نهار الجمعة على تعليق مؤقت لأغلب العقوبات اللي كانت مفروضة على قطاع البترول الروسي، وهاد القرار غادي يبقى ساري المفعول حتى لـ 16 ماي. هاد الخطوة جات من بعد ما تراجعات أسعار النفط بشكل ملحوظ عقب استئناف الحركة الملاحية فمضيق هرمز، وشملات كاع العمليات المتعلقة بشحن وتوريد البترول الروسي، بما فيها السفن اللي كانت معروفة بـ “أسطول الظل”.
وفسياق متصل، توترات الأوضاع بين واشنطن وطهران، حيت هدد رئيس البرلمان الإيراني، محمد باقر قاليباف، بسد مضيق هرمز الاستراتيجي إلا استمرات الولايات المتحدة فالحصار ديالها على الموانئ الإيرانية، وأكد بلي عبور السفن خاصو يكون بترخيص من إيران.
من جيهتو، صرح الرئيس الأمريكي دونالد ترامب بلي الحصار على الموانئ الإيرانية غيستمر إلا متمش التوصل لاتفاق سلام، وأشار لحتمية عدم تمديد وقف إطلاق النار اللي غيسالي نهار الأربعاء الجاي، مؤكداً بلي الضغوطات الاقتصادية غتبقى متواصلة حتى لآخر لحظة.