كتعيش الموهبة الصاعدة ماتيس أموغو وضعية رياضية حرجة رفقة نادي ستراسبورغ الفرنسي، بعيدة كل البعد على التوقعات اللي كانت مرافقة انتقال لاعب “سانت إيتيان” السابق. متوسط الميدان ذو الـ20 ربيعا، اللي انتقل لـ”تشيلسي” بصفقة بلغت 15 مليون أورو، لقى راسو عاجز على فرض ذاته في “البريميرليغ” قبل ما يرجع للدوري الفرنسي عبر بوابة ستراسبورغ، فين استمر التراجع ديالو وغاب على التنافسية لـ12 مباراة متتالية، بحيث كيرجع آخر ظهور ليه لليلة 10 يناير.
هاد التهميش أثار انتباه ناديه الأم “إس إي إس إي”، اللي كيحافظ على تواصل مستمر مع المحيط ديالو، وكيسعى لاستعادته على سبيل الإعارة لإنقاذ مساره الكروي. غير أن الحسم في هاد الخطوة كيبقى رهين بقرار صادر عن مجموعة “بلو كو” (BlueCo) المالكة لنادي ستراسبورغ، اللي كتدرس إيجاد مخرج للاعب فقد بريقه التقني مؤخرا، ولم يتم الفصل في مستقبله بشكل رسمي لحدود الساعة.