فوضى ديبلوماسية وعسكرية كايعيشها الشرق الأوسط بعد فشل المفاوضات بين ميريكان وإيران فإسلام آباد. جي دي فانس، نایب الرئيس الميريكاني، غادر باكستان من بعد 21 ساعة د المباحثات بلا نتيجة، والسبب حسب قولو هو غياب ضمانات حقيقية من طهران بخصوص البرنامج النووي. فالمقابل، إيران حمّلات المسؤولية لـ “المطالب التعجيزية” د واشنطن، فلوقت اللي ترامب كايلمّح فيه لفرض حصار بحري على طهران.
هاد التوتر ن عكس مباشرة على لبنان؛ سامي الجميل، رئيس حزب الكتائب، صرّح بلي لبنان بوحدو اللي عندو الحق يفاوض إسرائيل، ورفض تمثيل إيران لبلادو. فبينما كانو أنصار حزب الله كايحتجو فبيروت ضد المفاوضات الجاية مع إسرائيل، صدمات غارة جوية إسرائيلية دار فمنطقة “معروب” فجنوب لبنان، وخلّفات ستة د القتلى بلا إنذار سابق.
وفالجانب الطاقي، السعودية علنات رجوع خط أنابيب “شرق-غرب” للخدمة من بعد هجوم بطائرة مسيرة. هاد التطورات كاملة كاتخلي المنطقة فوق صفيح سخون، مع خوف كبير فوسط الشعب الإيراني من رجوع القصف، وتفاؤل حذر من بريطانيا وباكستان باش يستمر الحوار الديبلوماسي رغم الفشل اللّول.