تجرع فريق الوداد الرياضي هزيمة قاسية قدام الاتحاد الليبي بنتيجة تلاتة لزيرو، فالماتش الودي اللي جمعهم لبارح الاثنين بملعب البشير فالمحمدية، وهادشي فإطار وجادة الفريقين للمنافسات الرسمية الجاية.
الفريق الليبي حسم الأمور فالمحيض الأول، وسجل تلاتة دالبيوت عن طريق كريستوفر لورش (لاعب الوداد السابق)، وآدم عليلات، ومحمود الشلوي. هاد اللقاء عرف اعتماد “الحمرا” على تشكيلة أغلبها من الدراري ديال فئة الأمل، باش يعطيوهم فرصة يبينو على قدراتهم.
هاد المحطة كانت هي الأولى للمدرب لجديد باتريس كارتيرون، اللي بغى يوقف على مكامن الخلل ويشوف الجاهزية ديال اللعابة قبل الصطدام القوي ضد الفتح الرباطي نهار الجمعة الجاي، برسم الجولة العاشرة من البطولة الاحترافية بملعب مولاي الحسن فالرباط. كارتيرون دابا مطالب بترتيب الأوراق بسرعة باش يرجع الفريق لسكة الانتصارات.