أعلات البحرية الميريكانية نهار لخميس بلي حاملة الطائرات الضخمة “يو إس إس جيرالد فورد” غادرات كرواتيا من بعد توقف دام خمس أيام، بلا ما تكشف على وجهتها لجديدة. هاد السفينة، اللي كتعتابر الأكبر فلعالم، كملات عمليات الإصلاح والتزويد بلعتاد باش تواصل مهامها الاستراتيجية فدعم الأهداف الوطنية الميريكانية.
هاد التحرك جا من بعد ما تعرضات الحاملة لحريق فـ 12 مارس الماضي فـ “غرفة الغسيل”، الشي اللي تسبب فإصابة جوج بحارة وأضرار كبيرة فـ 100 مقصورة، وهو الحادث اللي باقي فيه تحقيق جاري.
للاشارة، “جيرالد فورد” لعبات دور مركزي فلعلميات العسكرية لخرة ضد إيران، اللي بدات فـ 28 فبراير بتنسيق بين ميريكان وإسرائيل. هاد الحاملة، اللي كاينة فلبحر هادي تسع شهور، ساهمات بعشرات الطيارات المقاتلة اللي نفذات ضربات جوية مركزة، وكتاكد دبا الجاهزية ديالها باش تواصل تأمين العمليات فمنطقة الشرق الأوسط والبحر الأحمر.