تصاعدات حدة التوتر بين طهران وواشنطن بخصوص مضيق هرمز، حيت وجه محسن رضائي، المستشار العسكري للمرشد الأعلى الإيراني، تهديدات مباشرة للرئيس دونالد ترامب. هاد المسؤول العسكري البارز حذر بلي القوات الإيرانية مستعدة تغرق السفن الحربية الأمريكية بـصواريخها يلا حاولت الولايات المتحدة تلعب دور “الشرطي” فهاد الممر المائي الاستراتيجي.
رضائي، اللي كيتعتابر من صقور النظام ومن القادة السابقين للحرس الثوري، انتقد بشدة الحصار اللي فرضاتو واشنطن على الموانئ الإيرانية. وفخطاب كيعكس نبرة تصعيدية، أكد بلي إيران ما خايفاش من مواجهة طويلة الأمد، بل ومستعدة لسيناريو غزو بري باش تاخد آلاف الأسرى الأمريكيين وتطالب بفدية مليارية على كل واحد منهم.
هاد التصريحات جات فوقت كتعيش فيه المنطقة غليان كبير، حيت وضح رضائي بلي الرغبة فالحرب كترجح على تمديد وقف إطلاق النار، معتبراً بلي حقوق إيران فمضيق هرمز خط أحمر ما يمكنش التنازل عليه. هاد الصراع بين طهران وإدارة ترامب كيحط أمن الطاقة العالمي وممرات التجارة الدولية فوق كف عفريت.