أكد رئيس “الفيفا” جاني إنفانتينو باللي إيران غادية تشارك “بشكل قطعي” فكاس العالم الجاية، وخا كاين توتر حربي مع الولايات المتحدة. وفمنتدى “استثمر في أمريكا” بمدينة نيويورك، شدد إنفانتينو على أن حضور المنتخب الإيراني ضروري، مشيرا باللي الرياضة خاص تبقى بعيدة عن الحسابات السياسية، وخا كاينين ضربات جوية وضغوطات كتمارسها واشنطن بتزكية من دونالد ترامب لدواعي أمنية.
وصرح إنفانتينو أنه تلاقى باللعابة الإيرانيين فتركيا وانبهر بالمستوى ديالهم، مؤكدا رغبتهم الكبيرة فتمثيل شعبهم فوق التيران. وأضاف بلي الدور ديال الفيفا هو “بناء الجسور” وماشي هدمها، وخا صعيب نفصلو الواقع السياسي على الكورة. هاد الجدل بدا كيكبر حيت إيران مبرمج ليها تلعب ماتشات فـ”إينغلوود” و”سياتل” فوق التراب الأمريكي، اللي كيستاضف المونديال بشراكة مع كندا والمكسيك. وخا التصريحات متضاربة بين الحكومة الإيرانية ومسؤولي الكرة، إنفانتينو كيطمح باش ترجع السلم قبل انطلاق العرس الكروي العالمي.