من بعد ما سناو مع أندري سانتوس وإستيفاو، فريق تشيلسي الإنجليزي مكمل فسياسة جلب المواهب البرازيلية الصاعدة. المرة الدور على ويليام غوميز، الجناح ديال نادي بورتو اللي عندو 20 عام، واللي دخل بقوة فدائرة اهتمامات “البلوز” لتعزيز الهجوم الموسم الجاي.
تقارير صحفية، من بينها “سبورت ويتنس”، كدكد بلي إدارة تشيلسي بدات خطوات ملموسة وصيفطات كشافين باش يراقبوه مباشرة فالتيران، وهادشي كيبين باللي الاهتمام جدي وماشي مجرد إشاعة. الصفقة كتقدر بحوالي 65 مليون يورو، وهو رقم كيعكس القيمة التقنية العالية اللي كيشوفوها فهاد اللاعب.
ولكن الطريق مشي ساهلا قدام تشيلسي، حيت نيوكاسل يونايتد حتى هو متبع التطور ديالو، خصوصا مع احتمال رحيل أنتوني غوردون لبايرن ميونخ. بورتو من جهتهم كيحاولو يطلعو السومة ديالو، حيت كاينين أندية خرى فالدوري الإنجليزي والإسباني متبعين هاد لؤلؤة البرازيلية. الأسابيع الجاية هي اللي غتحدد شكون غيفوز بهاد الصراع الرياضي الكبير.