ما زال التخبط كيميز الدبلوماسية ديال دونالد ترامب بخصوص الحرب فشرق الأوسط. الرئيس الميريكاني، اللي تعودنا على المواقف المتناقضة ديالو، قرر يمدد وقف إطلاق النار مع إيران حتى يوصلوا لاتفاق نهائي. هاد القرار جا من بعد مفاوضات مع باكستان وبسباب “الانقسامات” اللي كاينا داخل الحكومة الإيرانية، واخا كان هدد قبل بساعات بلي مغاديش يجدد الهدنة.
ورغم هاد التمديد، ترامب أمر القوات المسلحة باش تستمر فالحصار البحري بمضيق هرمز، وزاد أكد بلي “القنابل غادي تنفجر” إلا ملقاوش حل للملف النووي. من جيهتها، إيران خرجات بتهديدات قوية كتقول فيها بلي غادي تستهدف منابع النفط عند جيرانها فدول الخليج إلا تكرفصات الأوضاع.
فهاد السياق المتوتر، البيت الأبيض وضح بلي نائب الرئيس “جي دي فانس” ماديش يسافر لباكستان دابا، والغموض مازال محيط بمستقبل المفاوضات. الأوضاع كاتبين بلي الحل الدبلوماسي مازال بعيد والمنطقة باقة فوق صفيح ساخن، خصوصا مع استمرار لغة التهديد والوعيد بين واشنطن وطهران.