خرج الكرملين بتصريحات جديدة بخصوص إمكانية اللقاء بين الرئيس الروسي فلاديمير بوتين ونظيرو الأوكراني فولوديمير زيلينسكي. المتحدث باسم الرئاسة الروسية، دميتري بيسكوف، أكد بلي بوتين واجد يتلاقى بزيلينسكي فموسكو فأي وقت، ولكن بشرط أساسي: هاد اللقاء خاصو يكون مخصص فقط لإبرام اتفاقات نهائية وتوقيع ترتيبات رسمية تنهي الحرب، ماشي غير هدرة خاوية. بيسكوف شدد على أن المهم هو تكون النتيجة “مثمرة”.
فالمقابل، كاين تحركات دبلوماسية دولية؛ روسيا عبرت على الأمل ديالها فاستمرار الزيارات ديال المبعوثين الميركانيين بحال ستيف ويتكوف وجاريد كوشنر لمناقشة حل سلمي للأزمة. ومن جيهة خرى، دخلت تركيا على الخط، حيث علم الرئيس رجب طيب أردوغان الأمين العام ديال “الناتو” بلي بلادو كتدير مجهودات باش تجمع الزعماء بجوج وتحيي المفاوضات. أوكرانيا حتى هي طلبت رسمياً من أنقرة باش تستاضف هاد القمة المرتقبة. هاد التطورات كاتبين بلي الحل السياسي ولا هو الهدف اللي كيسعاو ليه بزاف ديال الأطراف الدولية باش يحطو حد للنزاع.