تأكد هبوط نادي ولفرهامبتون رسمياً إلى دوري الدرجة الأولى الإنجليزي (Championship)، بعد مسار كارثي خلال موسم 2025-2026. فريق “الـذئاب”، اللي كيتواجد فجعبة ديالو 17 نقطة فقط، فقد كل الآمال الرياضية فالبقاء، حيت ما بقاش بإمكانو يتجاوز نادي وست هام، صاحب المركز 17، حتى لو نصر فكاع لماتشات اللي بقاو ليه.
هاد النتيجة صبحات رسمية نهار الاثنين مورا تعادل وست هام مع كريستال بالاس، وقبل منها كانت الهزيمة القاسية ضد ليدز يونايتد (3-0) بمثابة الضربة القاضية. ولفرهامبتون غادي يرجع للقسم الثاني مورا تمن سنين قضاها فالبريميرليغ.
الموسم كان مليء بالإخفاقات، حيث الفريق ما حقق أول فوز ليه حتى لشهر يناير. ورغم تغيير المدرب فيتور بيريرا وتعويضه بـ “روب إدواردز” فنيونبر الماضي، إلا أن الوضع ما تحسنش بزاف. واخا الفريق دار واحد “الصحوة” قصيرة فاش غلب أستون فيلا وليفربول، هاد الشي ما كانش كافي باش يغطي على الحصيلة الهزيلة المتمثلة فـ 22 هزيمة فـ 33 دورة، لينتهي به المطاف فالمركز الأخير بكل استحقاق.