أعلن ياميل بوكيلي، رئيس اتحاد السلفادور لكورة القدم، بشكل رسمي على إلغاء الماتش الودي اللي كان غادي يجمع منتخب بلادو بأسود الأطلس فـ3 يونيو الجاي بماريلاند الأمريكية. هاد القرار جا من بعد ما توصلات السلفادور بمراسلة من الجامعة الملكية المغربية، كتعبر فيها على تعذر حضور النخبة الوطنية بكامل عناصرها فالتاريخ المحدد، بسباب التزامات اللاعبين مع أنديتهم.
الجامعة المغربية اقترحات نقل الماتش للمغرب فـ2 يونيو مع التكفل بجميع مصاريف التنقل، ولكن الجانب السلفادوري اعتذر على هاد المقترح، حيت قوانين “الفيفا” كتمنع خوض ماتشات فجوج قارات مختلفة فـنفس “النافذة الدولية”، زيادة على التزامهم ببرنامج تحضيري مسطر مسبقاً.
ورغم هاد الإلغاء، كيبقى الماتش الودي الثاني ضد النرويج فـ7 يونيو بنيوجيرسي قائم فموعدو. هاد الاستعدادات كتجي قبل دخول الأسود غمار مونديال 2026 ضمن المجموعة الثالثة، اللي كتضم البرازيل، اسكوتلاندا، وهاييتي، حيث غادي يفتتح المنتخب المغربي مشوارو بمواجهة “السيليساو” فـ13 يونيو بملعب “ميتلايف”.