الماء اليوم هو الركيزة الأساسية للأمن الغذائي والمحرك ديال السياسات العمومية فالمغرب. التوجهات الملكية السامية حاسمة: الهدف هو نضمنو %100 من الماء الصالح للشرب للمواطنين و%80 من السقي للمساحات الفلاحية.
بلادنا عاشت سنين صعيبة ديال الجفاف، بحيث هبطات الموارد المائية بـ %75، والباراجات وصلوا لـ %25 من التعمار، لدرجة أن الفرشة المائية استنزفات بشكل خطير. هادشي فرض علينا ننتقلوا من التدبير التقليدي لواحد “المزيج مائي” عصري، كايعتمد على تحلية مياه البحر بالطاقة المتجددة (بشراكة مع الإمارات)، وإعادة تدوير المياه العادمة، والربط بين الحياض المائية.
السنة الهيدرولوجية الحالية عرفات تحول كبير، بحيث رجعات التساقطات والفيضانات اللي عمرات الباراجات لـ %75 وأنعشات الفرشة بزيادات وصلات لـ 30 متر فشي مناطق. هاد التذبذب بين الجفاف الطويل والفيضانات كايفرض علينا رؤية استراتيجية بعيدة المدى، كايولي فيها الباراج دورو ماشي غير التخزين، ولكن حتى الحماية من الفيضانات.
المغرب اليوم كاينهج سياسة استباقية كاتربط بين الماء والطاقة والأمن الغذائي، باش يواجه تقلبات المناخ ويضمن حق الأجيال الجاية فثروة مائية مستدامة.