كيستعد نادي برشلونة لمواجهة حاسمة نهار الثلاثاء الجاي ضد أتلتيكو مدريد فـ”رياض إير ميتروبوليتانو”، برسم إياب ربع نهائي دوري أبطال أوروبا، مع غاية وحيدة هي تدارك هزيمة الذهاب (0-2). المدرب هانز فليك، ومن بعد ما وسّع الفارق فـ”الليغا” لتسع نقط مورا الرباح على إسبانيول (4-1)، بدا كيكشف ملامح التشكيلة اللي غيخوض بها “ريمونتاندا” المنشودة.
من المتوقع يرجعو خوان غارسيا، جوليان كوندي، وجواو كانسيلو للرسمية باش يعطيو نفس جديد للدفاع، فالحين غيغيب كوبارسي بسبب التوقيف، مما كيفتح الباب لإريك غارسيا أو أراوخو بجانب جيرار مارتين. فوسط الميدان، كيبقى الشك كيدور حول جاهزية فرينكي دي يونغ للمشاركة كأساسي، مع احتمالية الاعتماد على كاسادو أو غافي بجانب بيدري.
هجومياً، كيبان ماركوس راشفورد الأقرب لجهة لليسرى، ولامين يامال فالجهة لليمنية. أما مركز رأس الحربة، فكيبقى لغز بين ليفاندوفسكي اللي رتاح مؤخراً، وفيران توريس المتألق فالديربي، وداني أولمو اللي كيقدم حلول تكتيكية متميزة، الشيء اللي كيخلي طموح البلاوغرانا معلق بقرارات فليك الأخيرة قبل موقعة مدريد.