بسط فرقة مانشستر سيتي السيطرة ديالها المطلقة على مضيفها تشيلسي، فاش غلبتها بنتيجة ثقيلة (3-0) فـ “ستامفورد بريدج” برسم الجولة 32 من الدوري الإنجليزي. هاد الفوز الثمين خلى “السيتيزنز” يرفعوا رصيدهم لـ 64 نقطة، باش يقلصوا الفارق لستة د النقاط مع المتصدر أرسنال، الشي اللي كيشعل المنافسة على اللقب من جديد.
فالمقابل، كتعيش تشيلسي تخبط فالتطايج تحت قيادة المدرب ليام روسينير، حيت تجمد رصيدها فـ 48 نقطة فالمركز السادس، الشي اللي ك يأكد تذبذب الأداء ديال “البلوز” هاد الموسم.
الماتش عرف مشاركة نجوم كبار؛ مانشستر سيتي دخلات بتشكيلة قوية كيقودها إيرلينغ هالاند وبرناردو سيلفا ورودري، بينما تشيلسي اعتمدات على أسماء بحال كول بالمر وجواو بيدرو، لكن بلا جدوى قدام آلة السيتي الهجومية. هاد الانتصار كيعطي دفعة معنوية كبيرة لكتيبة غوارديولا فالثلث الأخير من صراع “البريميرليج”.