أعلن نائب الرئيس الميريكاني، جي دي فانس، نهار الأحد 12 أبريل، باللي غادي يرجع للولايات المتحدة بلا ما يوصل لاتفاق مع إيران. هاد الإعلان جى من بعد جولات د لإقناع ف إسلام آباد، فين قدمات واشنطن “آخر وأحسن عرض” عندها باش تحبس الحرب ف المنطقة.
وف ندوة صحافية قصيرة، وضح فانس باللي المفاوضات اللي بدات من نهار السبت ما عطاتش نتيحة، بسباب غياب “التزامات حقيقية” من طرف طهران بخصوص التخلي على لبرنامج ديالها للتسلح النووي. وصرح نائب الرئيس بلهجة حازمة: “حنا راجعين لبلادنا بلا اتفاق، وخلينا قدام الإيرانيين عرض نهائي وبسيط، وحنا دابا كنتسناو نشوفو واش غادي يقبلوه ولا لا”. هاد الفشل ف الوصول لتوافق كيزيد من حدة التوتر ف الشرق الأوسط ويخلي لباب مفتوح على كاع الاحتمالات.