أعلنات دولة الإمارات العربية المتحدة على نجاح وساطة ديبلوماسية جديدة بين روسيا وأوكرانيا، اللي سفرات على عملية تبادل كبيرة ديال الأسرى شملات 175 أسير من كل جانب، بلي مجموع ديالو 350 واحد. بهاد الإنجاز الإنساني، وصل لعدد الإجمالي ديال الأسرى اللي تطلق سراحهم بفضل الوساطة الإماراتية لـ 6305 أسرى.
وزارة الخارجية الإماراتية وجهات الشكر لموسكو وكييف على التعاون ديالهم، وأكدات بلي هاد النجاح كيعكس تيق الأطراف المتنازعة فالدور الإماراتي. هاد الوساطة هي رقم 21 اللي كتقوم بها الإمارات فهاد الأزمة، شي اللي كيبين العمق ديال العلاقات اللي كتجمعها بالبلدين وقدرتها على تقريب وجهات النظر.
وفنفس السياق، جددات أبوظبي الالتزام ديالها بمواصلة دعم كاع الجهود اللي كتهدف لإيجاد حل سياسي شامل للأزمة، وتخفيف المعاناة الإنسانية. وكيتجلى هاد الدور الريادي فاستضافة الإمارات لجولات من المحادثات الثلاثية اللي جمعات روسيا وأوكرانيا والميريكان، لتكريس نهج الحوار والتعاون الدولي من أجل السلم والاستقرار العالمي.