كتعرف منطقة الشرق الأوسط تطورات حاسمة، حيث أعلن حزب الله اللبناني هاد الصباح على تنفيذ هجمات بالمسيرات والصواريخ استهدفت جنود إسرائيليين فجنوب لبنان ومناطق حدودية، وهادشي فوسط تصعيد ميداني مستمر.
وفسياق ديبلوماسي رفيع، توجه نائب الرئيس الأمريكي “جي دي فانس” لباكستان باش يترأس وفد بلادو فمفاوضات مباشرة مع إيران، فمحاولة لإنهاء الصراع اللي دام ستة دالسيمانات. هاد اللقاء كيجيو فيه شخصيات وازنة بحال “جاريد كوشنر”، فواحد الأجواء مشحونة بالحذر المتبادل، تزامنا مع الهدنة الهشة اللي دخلات نهارها الرابع.
من جيهة خرى، أعلنات الرئاسة اللبنانية على عقد اجتماع فواشنطن الثلاثاء الجاي مع الجانب الإسرائيلي برعاية أمريكية، كيهدف لمناقشة وقف إطلاق النار، واخا إسرائيل مازال كترفض التفاوض المباشر مع حزب الله.
وفإيران، سجلات منظمة “نت بلوكس” تجاوز انقطاع الأنترنت حاجز 1000 ساعة (تقريبا 42 يوم)، فسابقة هي الأطول تاريخيا على مستوى دولة كاملة، هادشي اللي كيعكس حجم التضييق الرقمي اللي كتعيشو البلاد فهاد الظرفية الصعيبة.