حلّ باتريس موتسيبي، رئيس الكاف، نهار لخميس بمطار الرباط-سلا فزيارة عمل للمغرب، وفاش وصل وجّه تحية تقدير للملك محمد السادس وللجامعة الملكية المغربية، منوّها بالمجهودات الكبيرة اللي كديرها المملكة لتطوير الكورة فإفريقيا.
موتسيبي أكد باللي نسخة “كان 2025” غتكون وحدة من أنجح الدورات تاريخياً، لا من ناحية التنظيم ولا من ناحية الإشعاع الدولي. ورغم نجاح التظاهرة، عبّر على التأسف ديالو لبعض الأحداث اللي وقعات فالفينال، وكشف بلي الكاف غتبدا مراجعة شاملة للقوانين والأنظمة باش تجنب أي خروقات مستقبلاً، مع تشديد العقوبات باش تماشي المعايير الدولية وتضمن مصداقية المسابقات القارية.
من المنتظر يعقد رئيس الكاف ندوة صحفية فمركب محمد السادس بالمعمورة فهاد لعشية، باش يزيد يوضح تفاصيل التعاون مع المغرب والخطوات الجاية لتطوير اللعبة، علماً بلي المجيء ديالو للمغرب جا مباشرة من بعد زيارة رسمية دارها للسينغال.