شهد لبنان نهار لربعا تصعيد عسكري خطير، مور ما شن الجيش الإسرائيلي سلسلة ديال لغارات لعنيفة لي استهدفت مناطق واسعة فبلاد لأرز، هاد لهجمات لي وصفتها السلطات اللبنانية بأنها لأشرس هاد لشهور، خلفات مئات ديال لقتلى ولجرحى فصفوف لمدنيين.
رئيس لوزاراء اللبناني، نواف سلام، ندد بهاد لعدوان وأكد بلي إسرائيل ضاربة بعرض لحيط كاع لمساعي لإقليمية والدولية لي كتهدف لتهدئة لأوضاع، ووجه نداء مستعجل للمجتمع الدولي باش يتدخل ويوقف هاد لمجازر لي طالت أحياء سكنية عامرة بناس. ومن جيهتها، كشفات وزارة الصحة اللبنانية بلي لوضع كارثي جراء لهجمات لمتزامنة لي نشرات لوعر ولخوف فقلوب لمواطنين.
وفهاد سياق لمتوتر، نقلات وكالة “فارس” لخير بلي إيران قررات تحبس حركة ناقلات لبترول والسفن فمضيق هرمز، لي كيتعتبر شريان حيوي للتجارة لعالمية، وهاد لقرار جا كرد فعل على ما سماوه بـ “لخرق لإسرائيلي لاتفاق وقف لإطلاق لنار”، الشي لي كينذر بتصعيد كبير فامنطقة.