أكد وزير الدفاع الميريكاني، بيت هيغسيث، بلي الولايات المتحدة سلالات الخدمة مع القاعدة الصناعية الدفاعية ديال إيران ودمراتها بالكامل. ووضح فندوة صحافية، نهار الأربعاء، بلي طهران مابقاتش قادرة تصنع لا صواريخ ولا طيارات مسيرة (درون) من بعد ما تسحقوا المصانع ديالها كاملين.
هاد التصريحات جات من بعد الإعلان على هدنة بين الطرفين، فين شدد هيغسيث بلي واشنطن غتبقى حاضية باش تضمن احترام وقف إطلاق النار، وأكد بلي الميريكان مستعدة ترجع للهجوم فوسط أي وقت إلا تخرق لاتفاق. ومن جيهتو، حذر الجنرال دان كين، رئيس أركان الجيش، بلي القوات المسلحة باقة فاستعداد تام باش تستأنف العمليات العسكرية بنفس الدقة اللي دوزات بها 38 يوم اللخرة.
هاد الهدنة، اللي وافق عليها الرئيس الميريكاني ولمدة أسبوعين، مشروطة بفتح مضيق هرمز بشكل كامل وآمن. وجا هاد القرار من بعد ما قدمات إيران مقترح من عشرة د النقط، اعتبراتوا واشنطن أرضية صالحة باش يبداو المفاوضات مستقبلا.