عبرات “اليونيفيل”، القوة الأممية لي خدامة فجنوب لبنان، اليوم الأحد، على “قلقها لعميق” من جراء العمليات العسكرية لي كينيضها “حزب الله” والجيش الإسرائيلي حدا المواقع ديالها، وحذرات من كون هاد الهجمات تقدر تفرض رد ناري كيشكل خطر على الجميع.
فهاد السياق، أكدات الناطقة الرسمية باسم القوة، كانديس أرديل، فبيان رسمي، بلي القوة الدولية متبعة الوضع بقلق كبير، وفكرات كاع الأطراف لي كاينة فالأرض بضرورة احترام الالتزامات الدولية لي كتضمن سلامة وأمن موظفي الأمم المتحدة.
ودعات أرديل كاع الأطراف باش يحطو السلاح ويقلبو على حلول ديبلوماسية جادة كتهدف لوقف إطلاق النار، مشددة على أن الحل العسكري ما غدي يحل والو، وأن استمرار هاد النزاع وطول الأمد ديالو ما غدي يجيب غير الموت والخراب للجهتين معا.