كشف تقرير جديد لاتحاد مقاولات الرياضة والدراجات (UESC) بفرنسا على تراجع فمبيعات البيكالات الجديدة فـ 2025، حيث تباعت 1.84 مليون وحدة، بنقصان ديال 100 ألف بيكالة مقارنة مع 2024.
فرجيل كايي، المندوب العام للاتحاد، وصف هاد الوضع بـ “المحير”، ووضح باللي المستهلكين الفرنسيين ولاو كيميلو لإصلاح بيكالاتهم القديمة عوض شراء وحدة جديدة، حيت تزادت عمليات الإصلاح بـ 10%. وحسب تصريحو، فرنسا دابا كاتصلح البيكالات كتر بـ 3 د المرات ملي كاتبيع الجديد.
كايي ربط هاد التراجع بنقص المساعدات والدعم اللي كاتقدمو الدولة والجماعات، واعتبر هاد السياسة “ما مفهومش” وكاتصيفط رسالة سلبية للمواطنين. هاد الأزمة ما وقفاتش غير عند المبيعات، بل ضربات حتى الاقتصاد والخدمة، حيت تسببات فإغلاق قرييب 150 محل تجاري متخصص. هاد التحول الجديد فنمط الاستهلاك كايفرض تحديات كبيرة على مستقبل صناعة وتجارة الدراجات فبلاد كان الرهان فيها ديما على التنقل الأخضر.