تسيّب فالملاعب: طفرة كبيرة فبلاغات العنف الرياضي بفرنسا
كشفت تقارير رسمية لسنة 2025 على واحد القفزة مهولة فعدد البلاغات المتعلقة بالعنف فالمجال الرياضي بفرنسا. الإحصائيات كتقول بلي تسجلات 872 حالة، بزيادة كتوصل لـ 64% مقارنة بـ 2024، و140% مقارنة بـ 2023. هاد الأرقام الصادمة كتاكد بلي الاعتداءات الجنسية كتشكل بوحدها 60% من هاد الخروقات، والضحايا فغالب الأحيان قاصرين، بينما المتهمين هما مربين ومدربين المفروض فيهم الحماية.
هاد الانفجار فعدد الشكايات كيرجع بالأساس للخدمة اللي كديرها خلية “Signal-Sport” الوزارية، اللي تفتحات هادي ست سنين باش تهرس جدار الصمت (“الأوميرطا”) اللي كان مخبي هاد التجاوزات فالعالم الرياضي. الوزيرة مارينا فيراري أكدات بلي “زمن الإفلات من العقاب سالا”، ووضحات بلي الصرامة ولات هي العنوان فمواجهة أي نوع من العنف، سواء كان جسدي، نفسي، أو تحرش وتمييز. دابا العقوبات بدات كتنزل على المخالفين، والهدف هو ترجع الملاعب والقاعات الرياضية لبلايص آمنة مبنية على الروح الرياضية والقيم الأخلاقية، بعيداً عن أي استغلال كيهدد سلامة الأجيال الصاعدة.