أعلن الجيش الإسرائيلي اليوم الجمعة بلي داز شهر على بداية التصعيد فلبنان، وبلي قدر يقصف كثر من 3500 هدف ويصفي حوالي 1000 عنصر من “حزب الله”، فيهم قيادات وازنة ومئات من مقاتلي النخبة. هاد العمليات ركزات بالخصوص على البنيات التحتية، مخازن السلاح، ومنصات الصواريخ، بالإضافة لضرب خمسة ديال القناطر فجنوب لبنان.
وحسب البلاغ العسكري، هجمات دقيقة هاد الصباح تسببات فمقتل 15 عنصر من الحزب، وتم تفكيك خلية كانت كتوجد لضربات بصواريخ مضادة للدروع، مع حجز أسلحة وعتاد حربي. من جيهتو، أكد وزير الدفاع الإسرائيلي، يسرائيل كاتس، بلي الحزب غدي يخلص “ثمن غالي” بسبب تكثيف الهجمات ديالو، مشددا على أن إسرائيل غادة تفرض السيطرة الأمنية على منطقة الليطاني كاملة، وغتفركع القدرات العسكرية ديال حزب الله فكاع أرجاء لبنان.