أكد مسؤول أمريكي لـ”رويترز” نهار اليوم الجمعة، نجاح عملية إنقاذ واحد من طاقم طائرة مقاتلة أميركية من نوع “إف-15” (F-15)، اللي طاحت فوق الأراضي الإيرانية. ورغم تأكيد الخبر، المسؤول ما عطاش تفاصيل دقيقة على الجهة اللي نفذات المهمة ولا الكيفية باش تمت.
هاد الحادث كيتعتبر الأول من نوعه من نهار بدات المواجهة العسكرية بين ميريكان وإيران فـ 28 فبراير 2026. وكانت تقارير إعلامية، من بينها “سي بي إس نيوز” ومصادر إسرائيلية، أيدات خبر استرجاع أحد الطيارين بنجاح، فوقت اللي مازال المصير ديال الفرد الثاني من الطاقم مجهول.
من جيهتو، أعلن الحرس الثوري الإيراني بلي راه كيقوم بعمليات تمشيط واسعة فبلاصت السقوط فجنوب غرب البلاد، تزامناً مع تحليق مكثف للمروحيات الأمريكية على علو منخفض، فمحاولة لإنقاذ ما يمكن إنقاذو فهاد الظروف الصعيبة. هاد التطورات كتحط المنطقة قدام سيناريوهات معقدة وتصعيد عسكري غير مسبوق.