بسباب الأداء المتذبذب ديال روبرت سانشيز هاد الموسم، كيبان بلي نادي تشيلسي قرر يقلب الصفحة ويبحث على حارس جديد يعطي لفرقة الاستقرار اللي كتقلب عليه. التقارير اللي خرج بها “غرايم بيلي” كأكد بلي البلوز عندهم نية واضحة باش يعتمدو على الحارس البلجيكي الشاب مايك بيندرز (20 عام) كأساسي الموسم الجاي، مباشرة مورا ما تسالي فترة الإعارة ديالو مع ستراسبورغ الفرنسي. هاد الخطوة كاتبين بلي إدارة النادي واثقة فالمؤهلات ديالو كحل مستقبل لمركز حراسة المرمى.
وفنفس السياق، عينين تشيلسي باقين مراقبين سوق الانتقالات، وبالضبط الوضعية ديال الحارس الإنجليزي جيمس ترافورد (23 عام) اللي كيعاني من قلة التنافسية فمانشستر سيتي مورا ما خدا دوناروما بلاصتو. وحسب الصحفي سايمون فيليبس، تشيلسي كيتسنى غير الفرصة المناسبة باش يدخل فالمفاوضات ويجيب ترافورد للندن. دابا النادي واقف قدام جوج اختيارات استراتيجية: إما يراهن على الموهبة الصاعدة بيندرز، ولا يستغل وضعية ترافورد باش يدعم صفوفو بحارس عندو تجربة فـ “البريميرليغ”.