عرف مضيق هرمز، هاد الممر البحري الاستراتيجي، توترات جديدة كتحبس الأنفاس، من بعد ما علنات وكالة الأنباء الإيرانية “تسنيم” أن القوات المسلحة ديالها وقفات سفينة حيت تجاهلات التحذيرات الرسمية. فهاد السياق، أكدات هيئة “يو كي إم تي أو” (UKMTO) وقوع حادث ثاني استهدف سفينة شحن كانت خارجة من المضيق على بعد 8 ديال الأميال البحرية غرب إيران، فين تعرضات لضربات بالقرطاس خلاتها تحبس فالبحر، واخا الطاقم ديالها بقا سليم وما وقعاتش خسائر مادية.
المصادر حددات هوية السفينة، وهي ناقلة الحاويات “إيفوريا” (Euphoria) اللي هازة راية بنما، وكانت غادية من ميناء جبل علي فالمارَات لمدينة جدة فالسعودية. هاد التصعيد كيجي فوقت كتحكم فيه إيران قبضتها على هاد المعبر الحيوي رداً على التحركات الإسرائيلية-الأمريكية، بينما كتفرض واشنطن حصار على الموانئ الإيرانية. وفمقابل هاد الصراع، أعلن الرئيس الأمريكي دونالد ترامب نهار لربعاء على تمديد الهدنة اللي بادية من 8 أبريل، فمحاولة لتهدئة الأوضاع المشتعلة فالمنطقة.