صرح الرئيس الأميركي دونالد ترامب نهار لربع بلي إيران غادة وكتاكل الدق ماليا، والسبب هو هاد ليغلاق اللي واقع لمضيق هرمز الاستراتيجي. ترامب كتب فـ “تروث سوشال” بلي طهران “مزيورة” بزاف ومحتاجة للسيولة، وأكد بلي هاد الحصار مخليهم يخسرو كتر من 500 مليون دولار يوميا، لدرجة أن العسكر والبوليس تما مابقواوش كيتخلصو.
ترامب قرر يمدد وقف إطلاق النار باش يعطي فرصة لشي مقترح إيراني جديد، وهادشي جا بطلب من باكستان باش تفتح مجال للمفاوضات. ولكن، راه وضح بلي القوات الأميريكية باقية مستعدة ومستمرة فالحصار.
هاد الحملة اللي سماوها “الغضب الاقتصادي” خلات الخناق يضياق على الموانئ والسفن ديال إيران فالعالم كامل. ومن جيهتو، أكد وزير الخزانة الأميركي، سكوت بيسنت، بلي الماريكان غادة تكمل فهاد النهج، وتوقع بلي مرافق التخزين فجزيرة خرج غادي تعمر فظرف أيام، شي اللي غايضطر إيران تسد آبار النفط ديالها اللي أصلا كتعاني.