بصمة تاريخية خلدها الشاب الفرنسي فيكتور ويمبانياما فـ”الـNBA”، من بعد ما توج هاد الثلاثاء بجائزة أحسن مدافع فلعام بالإجماع، فسابقة هي الأولى من نوعها فتاريخ الدوري الأمريكي. هاد العملاق اللي كيدافع على ألوان “سان أنطونيو سبيرز”، أبهر الجميع بقدوراته الدفاعية الخارقة، وقوة “الكونتر” اللي خلاته كيشكل جدار ممانع تحت السلة، بمعدل 3.1 تصدي فكل ماتش و11.5 ريباوند.
ويمبي، اللي عندو 22 عام، هو ثالث فرنسي كيحقق هاد الإنجاز من بعد يواكيم نوح ورودي غوبير. هاد التألق ما وقفش هنا، بل قاد الفريق لمركز متقدم فالقسم الغربي، وخلاتو يكون من بين المتنافسين الثلاثة النهائيين على لقب “MVP” (أحسن لاعب فالموسم) إلى جانب نيكولا يوكيتش وشاي غيلجيوس وألكسندر.
فأول تمثيلية ليه فـ”البلاي أوف”، “الألين” (الفضائي) كيفما ملقبينو الميريكان، شعشع قدام “بورتلاند بليزرز” بـ35 نقطة، مؤكداً أنه ماشي غير مستقبل السلة العالمية، بل هو الواقع الجديد اللي غيغير موازين القوى فالملاعب الأمريكية. تطلعات كبييرة كتسناه، واش غيقدر يجمع بين جائزة الدفاع والـMVP فموسم واحد؟