أكدات مجموعة “موانئ دبي العالمية” (دي بي ورلد) التزامها القوي باش تدعم الكليان ديالها وتضمن ليهم سلاسلة كبيرة في حركة السلعة، وهادشي عبر دمج حلول النقل البحري، والبري، وسكك الحديد فواحد الشبكة لوجستية متكاملة كتعزز الكفاءة ديال سلاسل التوريد.
دراسة جديدة دارتها المجموعة بينات بلي قدام التحديات الجيوسياسية، والزحام فالموانئ، وتغيرات المناخ، ولات القدرة على تحريك السلعة بنظام “متعدد الأنماط” هي السلاح التنافسي الحقيقي. ومن المتوقع توصل قيمة هاد السوق لـ 160 مليار دولار فـ 2032، مع فرص نمو كبيرة.
“دي بي ورلد” ما بقاتش كتشوف هادشي غير رؤية مستقبيلة، بل رداتو واقع كيتطبق فشبكتها اللي كتربط كتر من 200 ميناء فالعالم وكتدير كتر من 23,500 رحلة فالعام. هاد التوجه كيهدف باش يحول سلاسل التوريد من أنظمة كلاسيكية لشبكات إقليمية مترابطة ومرنة.
وصرح “غانيش راج”، المسؤول فالمجموعة، بلي التكامل بين الموانئ والطرق والسكك ولّا ضرورة ملحة باش تضمن الشركات الموثوقية وتواجه التقلبات الدولية، وهادشي كلو داخل فإطار رؤية المجموعة لمستقبل التجارة العالمية اللي كيعتمد على ممرات تجارية ذكية ومتكاملة.