قررات الجمعية المهنية لمستودعي الغاز السائل بالجملة فالمغرب تراجع على الإضراب اللي كان مقرر نهار 21 و22 أبريل، وهذا جابعد اجتماع “مثمر” مع الوزير المنتدب المكلف بالميزانية، فوزي لقجع.
وصرح المتحدث الرسمي باسم الجمعية، أحمد مادة، بلي هاد الخطوة جات من بعد ما وافقت الحكومة على الرفع من هامش الربح ديال الموزعين بـ30 درهم للطن، وهو الهامش اللي كان مجمد من عام 2016. واعتبر بلي هاد القرار كياكد تجاوب الحكومة مع مطالب المهنيين اللي كيعانيو من ارتفاع التكاليف.
اللقاء مكن كذلك من إيجاد حلول عملية لمجموعة من المشاكل التنظيمية والمهنية اللي كانت عالقة هادي مدة طويلة. وبناءً على هاد النتائج الإيجابية، أكدت الجمعية فبيان ليها بلي لغات قرار توقيف التوزيع، منوهة بالأجواء البناءة اللي طبعات الحوار مع السلطات، واللي غادي تساهم فتحسين ظروف عمل الشغيلة فهاد القطاع الحيوي.