قررات إيران نهار السبت تعاود تسد مضيق هرمز الاستراتيجي، من بعد ما حلاتو لفترة قصيرة. طهران وضحت بلي هاد الممر الملاحي مكينش حلان ديالو ما حد ميريكان مستمرة فالحصار ديالها على الموانئ الإيرانية. الرئيس الأمريكي دونالد ترامب اعتبر هاد الخطوة “ابتزاز”، وخا هكاك هضر على وجود “مفاوضات مزيانة” باش يوصلو لسلام دائم.
هاد التوتر كايجي فالوقت لي كايسالي فيه اتفاق وقف إطلاق النار لي بدا فـ8 أبريل. إيران أكدات بلي غادي تسيطر على الحركة فالمضيق حتى تسالي الحرب، وهددو “الحرس الثوري” بلي أي سفينة غاتقرب غاتكون هدف عسكري.
وفجبهة أخرى فلبنان، الأوضاع مازال مأزمة وخا كاين هدنة ديال 10 أيام. نهار السبت تقتل عسكري فرانساوي من قوات “اليونيفيل” فكمين فالجنوب، بينما إسرائيل مزال شادة شريط حدودي ديال 10 كيلومتر وكتواصل تحركاتها. هاد الصراع خلف آلاف القتلى فالمنطقة وسبب أزمة إنسانية كبيرة، خاصة فلبنان لي تشردوا فيه كثر من مليون واحد كايخافو ترجع الحرب فـأي لحظة.